Жогорку Кеңештин депутаты Балбак Түлөбаев мүмкүнчүлүк бар кезде Кытайдын карызын төлөп, кутулуп салалы деген маселени көтөрдү. Канткен менен чынында маанилүү маселени айтты. 

Эл өкүлү өз сөзүндө: "Эмне үчүн азыр Кытайга болгон 1,8 миллиард долларды төлөп салбайбыз? Көп болсо 26-27 тонна алтын кетет экен. Тарыхта эки тонна алтын менен деле жашаганбыз", - деп билдирди.

Мындай демилге, сунушка Финансы министри Бекетаев Кытайдын эле эмес, өлкөнүн бүтүндөй карызын төлөп салсак болоорун, бирок пайыздык көрсөткүчтөр өзгөрүп, кымбат болуп калаарын айтты. 

Ал эми Түлөбаев баары бир эмнеси болсо да Кытайдын карызын төлөп салган жакшы болоорун, коңшуларга карызы жок эле жашаган жакшы экенин белгиледи.

Булак: NazarNews.kg