Түндүк Корея Японияга эки баллистикалык ракета учурганын Kyodo агенствосу билдирди. Ракеталар Япониянын экономикалык аймагынан тышкары деңизге түшкөн.

Белгиленгендей, ракета учуруу АКШнын вице-президенти Камала Харрис Түштүк Кореяга иш сапары менен барган күнү болуп, ал КЭДР менен чек арадагы демилитаризацияланган аймакка да барган. Буга чейин ал Японияда расмий иш сапары менен болгон.

Мурунку учуруу бир күн мурун болгон. Эки ракета Япония деңизине кулады. Буга чейин КЭДР 25-сентябрда Японияны көздөй ракета учурган. Буга жооп иретинде Түштүк Корея АКШ менен биргелешкен аскердик машыгуусун баштады.

26-сентябрда башталган төрт күндүк машыгууга Ronald Reagan учак конуучу кемеси, Кореянын Seoae Ryu Sung-ryong эсминецтери жана Aegis баллистикалык ракетасын башкаруу системасы менен Munmu the Great жана Американын Annapolis атомдук суу астында жүрүүчү кемеси жана башка кемелер катышууда. Машыгууга кемелерден тышкары эки өлкөнүн аба күчтөрү да тартылды.

Булак: NazarNews.kg