www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Тажикстандын президенти Эмомали Рахмон эки күндүк жумушчу сапар менен Казакстанга барды.
Тажик мамлекет башчысынын басма сөз кызматы кабарлагандай, президентти Астанага бир катар министрлер жана мекеме жетекчилери коштоп кетти.
Күн мурун Казакстандын бийлиги Эмомали Рахмон өлкөгө президент Касым-Жомарт Токаевдин чакыруусу менен келерин билдирген. Маалыматка караганда, сапардын алкагында эки өлкөнүн мамлекет башчылары соода-экономикалык, транспорттук-логистикалык жана инвестициялык кызматташтык маселелерин талкуулайт.
"Мындан тышкары президенттер Тажикстандын маданият күндөрүнүн ачылышына катышып, бул өлкөнүн айыл чарба азыктарынын көргөзмөсүнө барышат", – деп жазылган Акордонун билдирүүсүндө.
Быйыл июлда Сауд Арабиясынын Жидда шаарында өткөн "Борбор Азия өлкөлөрү менен Перс булуңундагы араб өлкөлөрүнүн кызматташтык кеңешинин" саммитинде жолуккан Рахмон менен Токаев соода-экономикалык байланыштарды кеңейтүүгө өзгөчө көңүл бурганы кабарланган.
Май айында Рахмон Казакстанга мамлекеттик сапар менен барганда тараптар Тажикстандын маданият күндөрүн өткөрүү боюнча макулдашкан. Бирок анда анын датасы айтылган эмес.
Булак: NazarNews.kg
< Предыдущий
Следующий >
Последние новости
