АКШнын президенти Дональд Трамп өзүнүн Твитердеги баракчасына Британиядан кеткен ханзаада Гарри жана жубайы Меган Марклга катуу кайрылды.

I am a great friend and admirer of the Queen & the United Kingdom. It was reported that Harry and Meghan, who left the Kingdom, would reside permanently in Canada. Now they have left Canada for the U.S. however, the U.S. will not pay for their security protection. They must pay!

— Donald J. Trump (@realDonaldTrump) March 29, 2020

Ал Твитер баракчасына ханыша Елизавета IIнин жакындарынын коопсуздугу үчүн акча төлөбөй тургандыгын баса белгилеген.

"Мен ханыша Елизавета IIнин эң жакын досумун жана бүтүндөй Улуу Британиянын суктануучусумун. Буга чейин падышалыктан кеткен Гарри менен Меган Канадада түбөлүк жашайт деп кабарланган. Эми алар Канададан АКШга келишти. Бирок, өлкө алардын коопсуздугун камсыз кылуу үчүн акча төлөбөйт. Алар төлөшү керек!" - деп жазган Трамп.

Белгилей кетсек, принц Гарри жана жубайы Меган  27-мартта Канададан АКШга көчүп кетишкен. Алар Лос-Анжелеске Канада менен АКШ чек арасын жапканга чейин жеке рейс менен учушкан. Жубайлар Голливуддун жанындагы шаарлардын биринде отурукташууну пландаштырууда. Ал жакта Меган Марклдын апасы, жакын достору жашайт.

31-марттан тарта герцог жана герцогиня падыша үй-бүлөсүнүн улуу мүчөлөрүнүн милдетин аткарбай, андан бошоп калышат.

Эске салсак, жубайлар 8-январда падышалык үй-бүлөдөгү ыйгарым укуктардан баш тартуу чечимин кабыл алган. Алар финансылык жеңилдиктерге, ыйгарым укуктарга ээ болгусу келбей, падышалык үй-бүлөдөгү милдеттерди аткарып, өз алдынча акча таап жашагысы келгендигин айтышкан.

Булак: NazarNews.kg