www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Түркиянын президенти Режеп Тайып Эрдоган зилзаланын очогу Кахраманмарас провинциясына жана башка жер титирөөдөн жабыркаган өлкөнүн он провинциясында үч айга өзгөчө кырдаал (өзгөчө абал) режимин жарыялады. Бул тууралуу эл аралык “Анадолу” маалымат агенттиги билдирди.
Түрк лидери акыркы маалыматтар боюнча Түркияда 3549 адам жер титирөөнүн курмандыгы болуп, 22168 адам жаракат алганын айтты. Урандылардын астынан 8 миңден ашуун адам куткарылды.
«Биз Түркиянын гана эмес, бүтүндөй аймактын жана дүйнөнүн тарыхындагы эң чоң кырсыктардын бирине туш болуп жатабыз. Кырсык болгон зонага бардык мамлекеттик түзүмдөрдүн күчү, жеке курамы жана техникасы мобилизацияланды. Биринчи этапта кырсык болгон аймактын тургундарына чукул жардам көрсөтүү үчүн 100 миллиард лира бөлүндү», — деди мамлекет башчысы.
Жер титирөө болгон аймакка 54 миң чатыр, 102 миң керебет, эң керектүү буюмдар жөнөтүлүп, миңге чейин тез жардам жана эки тез жардам унаасы нөөмөттө турат. Беш миң медицина кызматкери он облустун тургундарына жардам көрсөтүүдө.
Эрдогандын айтымында, учурда кырсык болгон аймакта 53 317 куткаруучу иштеп жатат. Алардын саны Түркиядан жана башка өлкөлөрдөн келген командалардын аркасында күндөн-күнгө көбөйгөн.
< Предыдущий
Следующий >
Последние новости
