Россиянын Тике Инвестициялык Фондусу Түркиянын фармацевтикалык продукция өндүрүүчүсү менен Түркияда Sputnik V коронавируска каршы вакцинасын өндүрүү боюнча келишим түзүп, керектүү технологиялардын трансфери башталды.

"Sputnik V вакцинасынын потенциалдуу өндүрүш көлөмү жылына миллиондогон дозаны түзөт. Келечекте өндүрүштү кеңейтүү маселеси дагы талкууланып жатат. Вакцина Түркиянын ички базарына жана башка өлкөлөргө экспорттолот”, - деп белгиледи фонд.

Түркиялык өнөктөштөр РТИФтин айтымы боюнча, 90%дан ашык натыйжалуулукту түзгөн вакцинага чоң кызыгуу көрсөтүп жатышат.

Sputnik V вакцинасы адамдын аденовирустук вектордук платформасынын негизинде иштелип чыккан жана ал Россия, Беларуссия, Аргентина, БАЭ, Венгрия, Сербия, Боливия, Алжир, Палестина, Венесуэла, Парагвай жана Түркмөнстанда регулятивдик жактырууларды алган.

Булак: NazarNews.kg