Түштүк Кореяда апрель айынан бери сутка ичинде коронавирус жуктуруп алгандардын саны биринчи жолу 100 кишиден ашты. Бул тууралуу аталган өлкөнүн Саламаттыкты сактоо министрлиги берген маалыматка шилтеме берип,  басылмалар жазып чыгышты.

Маалыматка ылайык, акыркы бир сутка ичинде 113 адамдан коронавирус илдетти аныкталган. Бул көрсөткүч менен өлкөдө коронавируска кабылгандардын жалпы саны 14 миң 92 адамды түздү. Өткөн суткада 49 адам бул илдеттен айыгып, ооруканадан чыгарылган. Илдетти жеңгендердин жалпы саны 12 миң 866 адамга жетти. Бул ооругандардын 91,3 пайызы айыкты дегенди түшүндүрөт. Ал эми вирустан каза болгондордун саны 298 адам.

Булак: NazarNews.kg