Учурдагы вице-спикер Мирлан Бакиров “Мекеним Кыргызстан” саясий партиясынын лидери болду. Бул тууралуу журналисттерге анын мурдагы партиялашы Тынчтыкбек Шайназаров билдирген.

Саясатчынын айтымында, Бакиров партиянын лидерине башка партияга кетээрин буга чейин билдирген.

“Ал мындан ары “Өнүгүү – Прогресстин” катарында эмес жана жакында бул тууралуу лидерге билдирди. Мен өзүм башка партияга өтпөйм жана өз партиям менен шайлоого барам, анткени мен туруктуу адаммын”, - деп билдирген Шайназаров.

Буга чейин “Мекеним Кыргызстан” партиясына Марлен Маматалиев жана Каныбек Иманалиевдер киришкен. Алар бул темага байланыштуу комментарий бере элек.

Булак: NazarNews.kg