Учактын жүргүнчүсү улам- улам "осуруп" элге тынчтык кылбаганынан улам  “Дубай- Амстердам" багытындагы учак жерге чукул конууга аргасыз болду. Бул жөнүндө маалыматты Metro News сайты жарыялап чыкты.

Учак Дубайдан Амстердамга учуп бараткан, ал ортодо жүргүнчүлөрдүн бири учактын салонундагы абаны булгап салган. Салондогу жүргүнчүлөр экипажга даттанышкан, эркек кишинин бул кылыгын токтотууну талап кылышкан.

Эркек киши айткандарга такыр көңүл бөлбөстөн "осурганын" уланта берген. Ушул кылыктын айынан учакта мушташ чыгып, учак Венага чукул конууга мажбур болгон.

Бул окуяга нааразы болгон жүргүнчүлөр  Transavia Airlines авиа компаниясын сотко берип жатышат.

Булак: NazarNews.kg