Бажы кызматынын «Достук» алдын ала бажылык жол-жоболоштуруу жайынын жетекчиси Н.А.Н., аталган жайдын нөөмөт башчысы Т.М.К. жана Ош шаарындагы темир жол бажысынын башчысы К.Б.Ж. кармалды. Бул тууралуу УКМК билдирди.

Кармалгандар коррупцияга шектелүүдө.

Такталгандай, жогорудагы адамдар «Достук» алдын ала бажылык жол-жоболоштуруу жайында жеке ишкерлерден мыйзамсыз акча чогултуп келишкен. Учурда бул коррупциялык схемага тиешеси бар башка кызмат адамдарын аныктоо боюнча иликтөө иш-чаралары жүрүп жатат.

Булак: NazarNews.kg