Бүгүн Жогорку Кеңештин жыйынында журналист Улугбек Бабакуловдун макаласы боюнча Айнуру Алтыбаеванын айтканын бергенбиз. Улуттар аралык кастыкты козуткан адамдардын жоопкерчилигин күчөтүш керектигин, Улугбек Бабакулов  жазган макаласына жооп берсин” деп депутат парламентте айтып чыккан.

Бу маселе боюнча журналист Улугбек Бабакулов депутаттардын сынын четке кагып, “Азаттык” радиосуна мындай деп жооп берген:

- Мен социалдык тармактарда улуттар аралык мамилени козуткан пост, пикирлер жазылып жатат деп, ошолорду которуп жазгам. Ошого атайын кызматтар бөгөт койсо дейм. Мен ошол маселени көтөрдүм. Атайын кызматтар саясат менен алектенбей, ошол нерселерди да көзөмөлдөшү керек.

Эскерте кетсек, 2010-жылдын июнь айында Ош, Жалал-Абад облустарында улут аралык жаңжал чыгып, 442 адамдын өмүрү кыйылган.

Булак: NazarNews.kg