Улуттук банкка баш ийбеген “Ишкердин” иши токтотулат

Журналист: NAZARNEWS

20.08.2018, 21:53

19753

коом

Улуттук банк Ысык-Көл облусундагы “Ишкер” микрокредиттик агенттигинин ишмердигин 23-авгсттан тарта токтотот. Банктан кабарлашкандай, микрокредиттик агенттик Улуттук банктын буйруктарын аткарбай, текшерүү иштерине каршылык көрсөткөн. Ушуга байланыштуу, компанияга 2003-жылы берилген күбөлүк жараксыз деп табылды.

“Ишкер” Ысык-Көл микрокредиттик агенттиги” мекемеси мамлекеттик ишкана болуп эсептелет, 1999-жылы Эмгек жана социалдк өнүгүү министрлиги тарабынан уюшулган, жетекчиси Аманканов Улан Нурланович.

Буга чейин агенттик прокуратура тарабынан текшерүүгө алынып, жыйынтыгында 2008-жылдан 2016-жылга чейин өз аппаратын каржылоого уставдык капиталынын эсебинен 1 млн 545 миң 620 сомду мыйзамсыз короткону аныкталган. Бул факты боюнча Каракол прокуратурасы Кылмыш кодексинин 304- (“Кызмат абалынан кыянат пайдалануу”) жана 308-беренелери (“Бюджеттик каражатты мыйзамсыз иштетүү”) менен кылмыш ишин козгогон. Андан аркы иликтөөлөрдү жүргүзүү Финполдун Ысык-Көлдөгү бөлүмүнө тапшырылган.

Булак: NazarNews.kg