Кытайдын экономикасынын жандуулугу жана калыбына келиши дүйнөлүк ИДПнын өсүшүнө оң таасирин тийгизет. Бул тууралуу 10-майда Улуу Британиянын Улуттук социалдык жана экономикалык изилдөө институтунун макроэкономикалык моделдөө жана прогноздоо боюнча директорунун орун басары Стивен Миллард Лондондо Кытайдын борбордук телекөрсөтүүсүнө (CCTV) берген маегинде айтты. Бул туууралуу NazarNews маалыматтык агенттигине кытайлык CCTV plus агенттиги билдирди.

Жакында Улуу Британиянын Улуттук Социалдык-Экономикалык Изилдөө Институту 2023-жылга карата дүйнөлүк экономиканын өсүү болжолун 2,5% чейин бир аз жогорулатты. Стивен Миллард белгилегендей, болжолдоонун оптимисттик кайра каралышы, негизинен, өлкөнүн COVID-19га реакциясын натыйжалуу иретке келтиргенден кийин, ушул жылдын биринчи айларындагы Кытай экономикасынын таасирдүү көрсөткүчтөрүнө негизделген.

"Бул ишканалардын ачылышына жана үй чарбаларынын кайрадан акча коротуусуна мүмкүндүк берди. Бул Кытайдын ичиндеги туризмди, ошондой эле чет элдик туризмди өнүктүргөн, бул дүйнөлүк экономика үчүн да жакшы жана уланат деп күтөбүз. Кытай жана дүйнөлүк экономика үчүн оң таасирин тийгизет”, - деди Стивен Миллард.

Улуу Британиянын аталган институтунун божомолуна ылайык, Орусия-Украина куралдуу кагылышуусу, азык-түлүк бааларынын өсүшү жана инфляция менен күрөштө көптөгөн өлкөлөр жүргүзгөн катуу акча-кредит саясаты сыяктуу бир катар белгисиздиктен улам, кээ бир өнүккөн экономикалар басаңдашы же рецессия кырдаалына жакын көрүнүш болот.

Булак: NazarNews.kg