Куруучу, жазуучу, «Санжыра» борборунун директору, профессор Асыкбек Оморов: Мен атайын жол долбоорун даярдадым – Кыргызстандын аймагын айланган алкак жол салса болот. Чүйдөн Таласка, андан ары Чаткалга, Чаткалдан Ала-Бука, андан кийин Шамалды-Сай аркылуу Кара-Кулжага жана андан ары Ат-Башыга чыгып, жолду Торугарт-Бишкек жолуна кошсо болот. Бул алкак жолдун жалпы узундугу 1400гө жакын чакырымга жетет, анын 560 чакырымын гана жаңыдан салууга туура келет, жалпы баасы 2 млрд долларга айланат. Түштүктөн жашылча-жемиш ташыган оор машинелер Чүйгө кайрылбай эле, Чаткал-Талас аркылуу Казакстанга өтүп кетсе болот. Бул алкак жол Кыргызстандын аймактары ортосунда дагы жакшы байланыш түзөмөк...