Байтиктин Боз-Бөлтөк тоосунун батыш тарабындагы кичирээк тоо курулуш үчүн казылып, дээрлик толугу менен жок кылынган жана азыр куруучулар Боз-Бөлтөктүн негизги тоосунун капталын каза баштаган. Берилген отуздан ашык лицензияларды карап көрсө, тоонун батыш жак жарымы толугу менен жок болуп, Бишкек-Байтик жолуна чыккан капталы гана кала тургандай. Улуттук илимдер академиясынын – ал тоодо Кызыл китепке кирген жана сейрек кездешчү өсүмдүктөр менен жаныбарлар бар, алар жоголуп кетиши мүмкүн деген корутундусуна курулуш ишканалары көңүл да бурбайт жана алар жергиликтүү эл менен дагы тил табышуу максатында сүйлөшүү жүргүзбөстөн, өз ишин улантууда...