Саясат таануучу Бакытбек Жумагулов: Дүйнөдөгү абал азыркыдай болот деп Збигнев Бжезинский мындан 30 жыл мурда, ал эми Генри Киссинджер 20 жыл мурда айткан. Башка саясат таануучулар Фрэнсис Фукуяма же Сэмюэл Хантингтон илимпоздор болсо, Бжезинский менен Киссинджер – чоң саясатка аралашып, маселени реалдуу турумдан көрүп-билген адамдар эле.

Бжезинский – Орусияны империялык саясатынан баш тарттыруу үчүн андан Украинаны бөлүп алыш керек, ал эми Борбор Азиялык регионду Батыш өз тарабына тартса, Кытайды токтотсо болот десе, Киссинджер – көп уюлдуу дүйнөдө АКШ лидер болуп, Орусия менен Кытайды дагы чоң саясаттан обочолонтпош керек деген. Анын баарын биз азыр өз көзүбүз менен көрүп жатабыз...