Журналист жана коомдук ишмер Эсенбай Нурушев: Эгемендикке Кыргызстан демократия деген ураан менен жеткен, бирок 32 жыл ичинде демократия деген түшүнүк бурмаланып отуруп, айрым мезгилдерде анархияга да айланып кеткен учурлар болду – демократия шартында эч кандай көтөрүлүш-ыңкылап болбош керек эле да.

Демократия гана эмес, жалпы маданияттын дагы деңгээли төмөн түшүп кеткендиктен, азыр бийлик менен эл бир-бири менен тил табыша албай, ар башка опурталдуу окуялар болуп, демократиянын бирден-бир белгиси болгон сөз эркиндигине дагы залака тийип кетип жатат...