Тарыхчы, Кыргызстан эл аралык университети алдындагы Этнология институнун директору Табылды Акеров: X-XII кылымдарда Ала-Тоодогу түрк каганатын окумуштуулар кийин Карахандар мамлекети деп атап койгон, анткени алардын башчылары Карахан титулун алып жүргөн, чындыгында ал мамлекетти аздар, тухсылар жана кыргыздар түзгөн. Аздар болсо – кыргыздардын төбөл уруусуна кирген. Мисалга, Сибирде Кыргыз каганатын түзгөн Барсбек аз уруусунан чыккан.

Аздар түзгөн Түргөш каганатынын башчысы Үч Элик каганынын кичүү уулу Чжэнбек тууганы Барсбекке жардам берүүгө Сибирге көчүп барып, кийин түрктөр менен болгон салгылашууда Барсбек менен кошо курман болгон. Ал мезгилде аздар, кыргыздар, башкалар Алтай менен Ала-Тоо ортосунда такай катташып, тыгыз байланышта болгон. Аздардын урпактары азыр – азык жана адыгинелер...