Эл аралык университеттин Этнология институтунун директору, тарыхчы Табылды Акеров: Кыргыз элинин пайда болушу тууралуу 3 негизги теория бар – Енисей, Алтай жана Тянь-Шань теориялары. Бул теориялар бир-бирине келишпестик түрдө карама-каршы болбосо дагы, үч башка теорияны карманган окумуштуулар бир-бирине эмгиче каршы. Советтик мезгилде «алтай теориясы» үстөмдүк кылган, бирок акыркы мезгилде илимпоздор андан баш тартууда. Кытай тилинде «р» тыбышы жок болгондуктан, кыргыздар байыркы Кытайда «гянгунь» деп аталган, андан пайдаланып, Москвада жашап-иштеген хакас профессору Леонид Кызласов гянгуньдарды хакас деп, бир топ чалмакей чалып таштаган, анын өзүнүн уруусу «хаас» болгон. Айрым кыргыз окумуштуулары дагы жалпы кыргыз тарыхынан мурда өз урууларына көбүрөөк көңүл бургандыктан дагы бир топ маселе чыгууда...