«Кармоо процедурасы кандайча өттү? Эртең менен саат 11де суракка келсин деп чакыруу кагазын алып келишти. Биз мыйзамды сыйлаган адам катары эртең мененки саат 11де келдик. Алгач, ал күбө катары суралды», - деп Өмүрбек Бабановдун адвокаты Амантур Абдырахманов бүгүн, 31-майда журналисттерге билдирди.

«Менин түшүнүгүм боюнча, премьер-министр кезиндеги ишмердүүлүгүнө байланыштуу айрым жалпы суроолор берилди. Бул 2011-жылдын декабрынан 2012-жылдын августуна чейинки кыска убакыт. Ушул мезгилдеги Кумтөр боюнча суроолор берилди. Кээ бир нерселер бар, алар жөнүндө мен айта албайм. Ал ушул маселелер боюнча расмий түрдө суракка алынды», - деди А.Абдырахманов.

Адвокат кошумчалагандай, сурак аяктагандан кийин тергөөчү келүүгө милдеттендирди, ал күбөнү биринчи чакыруу боюнча тергөөчүгө келүүгө милдеттендирет.

«Биз мунун баарын жасадык. Бир маалда тыным болуп, тергөөчү бир аз убакыт сурады. Ал сыртка чыгып, 10 мүнөттөн кийин кайра келип, аны камакка алуу чечими чыкканын айтты », - деди А.Абдырахманов.

Булак: NazarNews.kg