30-жыл жашагандай дагы 20-жыл жашасак жок болуп кетебиз! Мындай пикирди бүгүн, 19-июлда NazarNews маалымат агенттигине Тышкы иштер министринин мурдагы орун басары Аскар Бешимов билдирди. 

--“Мыйзам дегенибиз менен ал практика жүзүндө иштебейт. Келечекте кайсы багыт менен кетебиз? Ошону тактап, толук жазып алышыбыз зарыл. Анда сөзсүз улуттук идеология камтылышы керек. Билим, ден-соолук, социалдык абалды жакшыртып, алдыга сүйрөсөк ушул дагы улуттук кызыкчылык болот.

30 жылдан бери бири-бирибизди алдап эле келе жатабыз. Мисалы, кайык кайсы жакка сүзөт ошону билбей убарабыз. Тышкы саясат деле ошого кирет, ички саясат оңолмоюнча сырткы саясат оңолбойт. Мамлекет башчы, башка жетекчилер жана бакша аксакалдар көрсөтмө берсе, эл ошо менен агылат. Буга чейин элдин аракети менен араң эле жашап келдик. 30 жыл баш айланткан адамдарды жетеледик. Эгер дагы 20 жыл ушул абал менен жүрсөк жок болуп кетебиз”, - дейт дипломат.

Булак: NazarNews.kg