www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Уулун тизесине отургузуп алып автоунаа айдаган ырчы Дайыр Исмадияров 3 миң сом айыпка жыгылды. Бул тууралуу ИИМдин Жол кыймылы коопсуздугун камсыздоо башкы башкармалыгынан кабарлашты.
Буга чейин ырчы баласын алдына алып автоунаа айдаган видеосун өзүнүн Instagram баракчасына жарыялаган. Кадрлар интернетке тарап, анын Өзгөндө тартылганы айтылган. Интернет-колдонуучулардын айрымдары Исмадияров жол эрежесин бузуп жатканын жазышкан.
ЖКККББ Исмадияров баланы автоунаада алып жүрүү эрежесин бузганын айтып, ар бир айдоочу өз өмүрүнө гана эмес, жүргүнчүлөрдүн коопсуздугу үчүн дагы жоопкерчиликтүү экенин билдирди.
Ырчы өзү ЖМКлар окуяны көбүртүп-жабыртып жиберди деген мааниде билдирүү таратты.
"Эртең менен турсам, Кыргызстанда башка жаңылык жок калгандай баары мен жөнүндө жазыптыр. Журналисттерге айтарым, бирөөнү каралап, жаман жагын даңазалагандан көрө чечилбеген проблемаларды чыгарсаңар жакшы болмок. Өзгөн МАИчилери байланышып, протоколду колума карматты. Үч миң сом айып болуптур, кайталабагыла. Балам рулга отурам дегенинен 10 метр жерге жүрүп, эстеликке видеого тартып койгом", — деди Исмадияров Instagram баракчасында.
Ошондой эле ал социалдык тармактан эки жактуу комментарийлерди көргөнүн айтып, аны сындагандар дагы, колдогондор дагы бар экенин кошумчалады.
Булак: NazarNews.kg
< Предыдущий
Следующий >
Последние новости
