Индиянын Харьяна штатында уникалдуу жаратылыш кубулушу болду – суу астындагы жер көтөрүлдү, деп билдирди «Зе Индиан Экспресс» басылмасы.

Кубулуштун видеосун Жагат Вани аттуу жергиликтүү тургун Фейсбуктагы баракчасына жарыялады. Видеодон заматта суу алдынан жер көтөрүлүп жатканын көрүүгө болот.

Учурда мындай кубулушка эмне себеп болгону белгисиз. Бирок социалдык тармактын колдонуучулары өз божомолдорун жазып жатышат.

Айрымдары жер тектоникалык активдүүлүктөн улам көтөрүлдү дешсе, кээ бирлери жер алдына метан чогулуп калганын айтышууда.

Булак: NazarNews.kg