“Кыргыз эли- адилеттикти, аруулукту, тазалыкты, калыстыкты, чындыкты туу туткан”, - деди NazarNews маалымат агенттигине “Кыргыз жолу” коомунун төрагасы Кадыр Кошалиев.

--“Кыргызстандын эли - мамлекеттин өзөгү, эң башкы байлыгы жана бийликтин ээси экендигин баса белгилеп, адилеттикти, аруулукту, та­залыкты, калыстыкты, чындыкты туу туткан, эркиндикти, теңдикти, шайкештикти сүйгөн, бийлик жана байлык элдин кызыкчылыгына иштеген эл. Ошондой эле, табигый өнүгүү мыйзамдарын сыйлаган, улуттук жана жалпы адамзаттык баалуулуктарга бирдей маани берген калк болгон. Руханий-экономикалык тең салмактуу өнүгүү усулун карманган, мыйзамдуулукту жана салттуулукту бекем сактаган. Тегиз жыргалчылыкка  жетишкен. Илим-билим, техника-технология жана инновациялык жаңылыктарды ийкем өздөштүргөн. Бакубат мамлекетти куруу ишин алдына ыйык максат катары койгон. Коомдук турмуштун чөйрөсүндөгү улуттун кызыкчылыгынын артыкчылыктары менен руханий биримдиктин принциптери айкалышып келип, ошол элдин көз караш, түшүнүк, баалуулуктарынын системасын жаратуу аркылуу улуттук идеология калыптанат”, - дейт Кошалиев.

Булак: NazarNews.kg