А.Каниметов атындагы №1 мектеп-гимназиясынын окуучулары жана мугалимдери митингге чыгышты. Нааразычылык акциясынын видеосу социалдык тармактарга жарыяланды.

Кадрдан мектеп окуучулары "кетсин" деген плакат көтөрүп турганын көрүүгө болот. 

Видеодогу мугалимдердин бири команда мындай чечимге макул эместигин билдирди. Кыязы, кеп мектепти башка мекеме менен бириктирүү жөнүндө болуп жатат. Анын айтымында, бардык өзгөртүүлөр окуу жылы аяктагандан кийин болушу керек, анткени жылдын акыркы айларында мугалимдер экзамен, балдарды ЖРТга даярдоо, "Алтын тамганы" тестирлөө жана бүтүрүү иштери менен алек. Бирок, ал белгилегендей, кызматкерлер 19-апрелден тарта кыскартылган жана учурда 59 кызматкер мектептен кетип жатат.

Мэрия кырдаал боюнча кийинчээрек комментарий берүүнү убадалады.

Булак: NazarNews.kg