www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Улуттук госпиталда пневмония менен ооруган адамдар тааныштар аркылуу гана кабыл алынат. Бул тууралуу ыктыярчы Талант Сагынбаев билдирди.
Мисал катары ал пневмония менен ооруп калган тууганын тааныш адамдар аркылуу гана ооруканага киргизе алгандыгын маалымдады.
"Ооруканага жаткырылгандан эки күн өткөндөн кийин дагы ага бир дагы дарыгер барып койгон жок. Биз өзүбүз бейтапка кычкылтек концентраторун алып келдик. Аларга бейтаптын аялы бир нече жолу кайрылып, өтүнүчүн уккандан кийин гана барышкан. Кишинин абалы начарлап кеткендиктен, ал реанимацияга которулган. Бирок бул дагы кыйын экен. Аны реанимацияга кабыл алышпай, тааныштар аркылуу гана жандандыруу бөлүмүнө которулду. Дарыгерлердин шалаакылыгынан улам тууганыбыз комага түшүп калды", - деди Талант Сагынбаев.
Маалыматка ылайык, Улуттук госпиталдын кызматкерлери бейтаптарга аябай орой мамиле жасашат.
"Мен оорукананын алдында турам, бейтаптар жардам алуу үчүн бул жакка кандайча келип жаткандыгын көрүп турам, бирок дарыгерлер аларга орой мамиле жасоодо. Жок дегенде кайда барарын түшүндүрүп бергиле, орун жок деп айтпагыла. Мына джип келгенден кийин төрт дарыгер дароо бейтапты кабыл алууга жөнөп кетишти. Дарыгерлер баарына бирдей мамиле кылышы керек”, - деди Талант Сагынбаев.
Кийинчерек Талант Сагынбаевдин жардамга муктаж тууганы көз жумганы маалым болду.
Булак: NazarNews.kg
< Предыдущий
Следующий >
Последние новости
