Интернетте жаш жигит кызды зордоп унаага салууга аракет кылып жаткан видео тарады. Окуя 15-апрелге караган түнү «Манас» аэропортунун унаа токтотуучу жайда болгон.

Чүй облустук Ички иштер башкы башкармалыгынан кабарлашкандай, Сокулук райондук милициясы окуя болгон жерге барышкан. Учурда тергөө башталып, жаңжалдын катышуучуларынын өздүгүн аныктоо аракеттери жүрүп жатат.

5-апрелде Бишкектеги көчөлөрдүн биринде 27 жаштагы кыз уурдалып, мыкаачылык менен өлтүрүлгөн. Аны ала качып, өлтүргөн бала өзүнө да бычак сайып мерт кеткен.

Булак: NazarNews.kg