Россияда жаш өспүрүмдөрдүн иши боюнча инспекторлору Красноярск шаарынын көп кабаттуу үйлөрдүн биринин лифтте жаш баланы катуу сабап салган аялды издеп жатышат. Аял лифтке орнотулган видеобайкоого түшүп калган. Бул тууралуу Ички иштер министрлигинин аймактык башкармалыгына таянып, орусиялык басылмалар жазып чыгышты.  

Укук коргоо органдарынын маалыматы боюнча, окуя Вильский көчөсүндөгү турак жайда болгон. Полицияга кайрылган үйдүн жашоочусу лифтке орнотулган видеобайкоодон алынган тасманы көрсөткөн.

Кичинекей кыз менен аялдын видеосу социалдык тармакка жайылып кеткен. Видеотасмага көз чаптырсак, лифттин эшиги жабылгандан кийин, кыз энесинин алаканына урунат. Кыз жыгылып, аял дагы бир нече жолу сокку уруп, андан кийин аны көтөрүп алып, башына баш кийимин кийгизет. Андан кийин лифттен чыгып кетишет.

“Укук коргоо органдарынын кызматкерлери аялдын бул үйдө жашабагандыгын аныкташты.  Подъездден чыгып кеткенден кийин, ал баласы менен такси менен кетип калган ", - деп айтылат билдирүүдө.

Окуя 14-июнь күнү кечинде болгон. Социалдык тармактардын колдонуучулары аялды таанууга жардам берген: жергиликтүү кафелердин биринин кызматкери аны тааныган имиш. Белгилей кетчү нерсе, видеонун каарманы полиция кызматкерлери чалганда таң калган жок. Ал укук коргоо органдарынын кызматкерлеринен чакырууну алгандан кийин гана алар менен сүйлөшө тургандыгын айткан.

Булак: NazarNews.kg