Кечээ, 17-февралда Ысык-Көлдө маршрутка менен жылкылар кагышып, жол кырсыгы катталды. Бул тууралуу региондук жол коопсуздугунун басма сөз кызматы билдирди.

Маалыматка ылайык, кырсык болжол менен саат 16:45те Ананьево менен Семенова айылдарынын жолунда болгон.

“Алдынан жылкылар чыккан. Айдоочу кагышуудан качып, рулду бурганда бакты барып сүзгөн. Натыйжада 66 жаштагы айдоочу, 46 жана 34 жаштагы аял, ошондой эле 53 жаштагы киши ооруканага жеткирилген”,-деп айтылат маалыматта.

Белгилүү болгондой, маршрутка Бишкектен Караколго бара жаткан.

Булак: Nazarews.kg