Беларуста 11-октябрда өткөн жүрүштө 586 адам кармалды. Алардын ичинен 500дөйү Минск шаарындагы демонстранттар экенин «Весна» укук коргоо уюму билдирди. Кармалгандардын арасында 40тан ашуун журналист жана фотограф бар. 

Айрым демонстранттар күч түзүмдөрүнө каршылык көрсөткөнү кабарланды. Күбөлөрдүн айтымында, полиция жаш агызчу газ чачкандан кийин жүрүшкө чыккандардын кээ бирлери аларды көздөй бөтөлкө жана гүл челектерин ыргытышкан. 

Жыйынтыгында ондогон киши жаракат алды.  

Минск. Так выглядела работа водомета у станции метро «Пушкинская». pic.twitter.com/ePRaLwwO0H

— TUT.BY (@tutby) October 11, 2020

Бул жолу милиция демонстранттарга каршы катаал чара көрдү. Беларустун көз карандысыз басылмалары ОМОНдун зомбулук аракеттерин чагылдырышууда.

Нааразылык акциялары Беларустун башка шаарларында да өтүп, камоо менен коштолду.  

Многотысячная колонна движется по Кальварийской в сторону Пушкинской pic.twitter.com/7W3gxAkJWX

— Чай з варэннем (@belteanews) October 11, 2020

Жекшембиде Минскинин борбору жабылып, акцияга канча киши катышкандыгы тууралуу дагы деле так маалымат жок.  

Эске салсак, Беларуста 9-августтагы талаштуу президенттик шайлоодон бери нааразылык акциялары токтобой келет. Александр Лукашенко бул шайлоону жеңгенин билдиргени менен бир катар Батыш өлкөлөрү жана беларус оппозициясы мындай жыйынтыкты тааныган жок.

Светлана Тихановская башында турган оппозициячыл кыймылдар шайлоонун жыйынтыгын жокко чыгарууну жана жаңы шайлоо өткөрүүнү талап кылууда. 

Булак: NazarNews.kg