Бүгүн Кыргызстандын Эгемендүүлүгүнүн 31 жылдыгы белгиленүүдө.

Майрамдык иш-чаралар Чүй облусуна караштуу Аламүдүн районундагы Чуңкурчак жайлоосунда өттү. Ага президент Садыр Жапаров, Министрлер кабинетинин төрагасы Акылбек Жапаров, Жогорку Кеңештин депутаттары жана коомдук ишмерлер катышты.

Белгилей кетсек, иш-чаралар көрүнүктүү саясий ишмер Байтик Канай уулунун (Байтик баатыр) 200 жылдыгына арналган маараке менен да коштолду.

Анын алкагында маданий иш-чаралар, "Ынтымак" фестивалы, боз үйлөрдөн турган айыл уюштурулуп, концерттик программа уюштурулду.

Кыргыз Республикасы 1991-жылы 31-августта Көз карандысыздык жөнүндө декларация кабыл алып, өз алдынча эгемен мамлекет деп таанылган.

Көчмөн эл 31 жыл аралыгында өлкөдө саясий-экономикалык каатчылыкты, адам өмүрүн алган Баткен окуясын жана ошондой эле март, апрель, октябрь ыңкылаптарын башынан кечирди. Тарых барактарында калган мындай окуялардан кийин Кыргызстанда эл башкаргандар бир нече жолу алмашты.

Булак: NazarNews.kg