"Замандаш" саясий партиясынын түптөлгөнүнө туура 10 жыл толду. Бул даталуу мааракеге карата Кыргыз элибиздин чыгаан инсандары аталган партияга куттуктоо жолдошууда.

Кыргызстандын аксакалдар кеңешинин төрагасы, ардактуу аксакал, Өмүрбек Уметалиев:

-Союз ураганда ушул “Замандаш” партиясы сыртта жүргөн мигранттардын баарын өзүнүн колдоосуна алган, алгачкы партиялардын бири болгон. “Замандаш” партиясы Кыргызтандагы мыкты партиялардын бири. “Замандаш” партиясы элдик партия,- деди.

Ал эми КР эмгек сиңирген эл артисти, жогорку категориядагы диктор, жазуучу ардактуу аксакал Абаз Чикеев:

-“Замандаш” партиясы өздөрүнүн тазалыгы менен, өздөрүнүн иши менен башка партиялардан айрымаланып кыргыз элине үлгү боло алды. Менин тилегим ушу партия өзүнүн башкаруучулары менен Кыргызстанды көтөрөт деп ишенемин,- деп айтты.

Кыргызстанга белгилүү диктор, диктор, журналист, “Замандаш” саясый партиясынын саясый кеңешинин мүчөсү Чынара Капарова:

-“Замандаш” партиясына 10 жыл болуп олтурат. Айтканга оңой болгону менен бул жылдар аралыгында “Замандаш” саясый партиясы, саясый партия катары калыптанып, мамлекеттик жана эл аралык деңгээлде алгылыктуу иштерди аткарып, элди назарына бурду. Бүгүнкү күндө партия өзүнүн курамына жаш, илимдүү-билимдүү, талантуу, алдыга умтулган, Кыргызстанды жана кыргыз элин сүйгөн, эли-жери үчүн кызмат кылган кесипкөй жаштар менен алдыга чыгууда. Биз кыргыз элинин келечеги үчүн кам көрүүгө даярбыз, - деди белгилүү тележурналист Чынара Капарова.

Булак: NazarNews.kg