Казак тарап кыргыздар менен соода кылган бардык кытай соодагерлерди өздөрүнө тартып кетти. Бул тууралуу Жүк ташуучулар ассоциациясынын төрагасы Темирбек Шабданалиев NazarNews маалымат агенттигине кечээ, 12-мартта кабарлады.  

--“Казак тарап кыргыздар менен соода кылган бардык кытай соодагерлерди өздөрүнө тартып кетти. Анткени Казакстан Кыргызстан аркылуу кеткен товарларга тоскоолдук жасап келишет. Мындан улам Кыргызстан үчүн ыңгайсыз абал жаралууда. Кытай тарап санитардык норма киргизип, эски калыпка келүүгө макулдук бербей жатат. Буга өкмөт да, министрлик да, Кытай тарап да барбай жатат. Анткени чек ара былтыр кыргыз тараптын демилгеси менен жабылган. Мындай абал пандемиядан мурда башталган. Кыргыздар пара берип, сүйлөшө коюп, бекеттен өтүп келген. Буга Кыргыз Өкмөтү катуу чара көрүшү керек болчу”, - дейт төрага.

Булак: NazarNews.kg