Мурдагы вице-премьер министр Жеңиш Разаков сотко бир нече жансакчы менен келип, журналистер "эмне себептен 5-6 жансакчы менен келдиңиз" деген суроо бергенде ал минтип жооп берди.  “Охранам жок менде! Ким айтты силерге? Охранам жок, адвокаттарым бар менде. Мага охрананын эмне кереги бар? Мен "потерпевший" болсом бир жөн эле, эч нерседен коркпойм, кудайга шүгүр!”,-деп жооп кайтарган.

Бирок, иш жүзүндө андай болгон жок. Разаковду 7 киши коштоп жүргөнүн видеодон көрүүгө болот. Бирөөсү күрмөсүн кийгизсе, экинчиси унаасынын эшигин ачып берген.

Белгилей кетсек бүгүн, 14-февралда Биринчи Май райондук сотунда Ички иштер министринин мурунку орун басары Курсан Асановдун иши боюнча алдын ала соттук уктуруу уланган. Мына ушул сотко Жеңиш Разаков дагы катышкан.  

Булак: NazarNews.kg