Талас облусунун кире беришинде санитардык-карантиндик пост уюштурулуп, унааларды жана адамдарды дезинфекциялоочу туннелдер коюлду. Бул тууралуу видео социалдык тармактарда тарады.

Маалыматка караганда, унааларга жана адамдарга атайын өткөрмө туннелдер орнотулган. Мындан сырткары аймакка кирген адамдар дарыгердин көзөмөлүнөн өтүшөт.

Эске сала кетсек, Кыргызстандын Талас облусунда гана илдет каттала элек.

Бүгүн, 8-апрелде өлкөбүздө коронавирусту жуктургандардын саны 270ке жетсе, айыккандардын саны 35ти түзгөн. Ал эми каза болгондор 4 кишиге жетти.

Булак: NazarNews.kg