Таласта "чөнтөкчү" жарандын мамыга байланып сабалышы тууралуу облусттук ички иштер башкармалыгы билдирүү таратты.

Маалыматка ылайык, 30-апрель күнү эртең менен ​Талас районуна ​караштуу мал базардан ууру кармалды деген видео тасмалар интернет тармактарына жайылган.​ Ал видео боюнча элдер болжолу менен 25-30 жаштагы азиат улутундагы белгисиз бир адамды акча уурдады ​ деп шектеп кармап​ алышкан. ​ ​ ​ ​ ​ ​ ​ ​ ​ ​ ​

Аталган билдирүү Талас РИИБдин ​маалыматтарды эсепке алуу электрондук журналына катталган. ​Окуя болгон жерге Талас РИИБдин Тергөө ыкчам тобу барып текшерүү иштерин баштаган. ​

Текшерүү учурунда ​Бишкек шаарынын тургуну​ өзүн ​1993-ж.т. Ш. уулу​ Э. деп тааныштырган жаранды ​мал базарда жүргөн жарандар “чөнтөккө кол салып, уурулук жасаган” - деп, мал базардын батыш тарабындагы электр жарык берүүчү темир карагайга колунан​ жана белинен​ жип менен байлап коюшкандыгы аныкталган.

Талас облусунун Кара-Буура районунун Бакайыр айылынын ​ 1976-ж.т. ​ М.И. аттуу жаран мал базардан 60000 (алтымыш миң) сом акча ​ ​ каражатын белгисиз адамдар тарабынан ​уурдатып алгандыгы боюнча арыз менен кайрылган. Мындан тышкары Талас облусунун Кара-Буура району Чолпонбай айылынын 1999-ж.т. Ж. уулу К. дагы мал базардан өзү асынып жүргөн кол сумкасынын ичинен 6000 (алты миң) сом акча каражаты белгисиз адамдар таарабынан​ уурдатып кеткенин билдирген. Кармалган жаран милиция кызматкерлери тарабынан Талас РИИБге алынып келинген.

Ал​ Ысык-Көл облусунун Ысык-Көл району Григорьевка айылынын ​1989-ж.т А. Э. ​экени аныкталды. Текшерүүдө анын жанынан ​жалпы 35 200 (отуз беш миң эки жүз) сом акча каражаты алынган.

Окуя болгон аймакта бекитилген күзөт графиги боюнча Талас РИИБдин бир нече кызматкерлери​ иш-алып барып жатышкан. Ага медициналык жардам көрсөтүү максатында ​ аймактык ооруканага алынып барылып, анын саламаттыгына эч кандай коркунуч келтирилген жоктугу аныкталды.

Шектүүнү милицияга алып келишип, өздүгүн тактап, текшерүү жана иликтөө иштерин жүргүзүп ​ жатышат.

Кармалган шектүүнүн башка кылмыштарга тийиштүүлүгү боюнча дагы иликтөөлөр жүрүп жатат. 

Эске сала кетсек, социалдык тармактарда Талас облусунда уурулукка шектелген жаранды, элдер электр мамычага байлап, сабап жатканы тууралуу видео тараган.

Булак: NazarNews.kg