Токио-2020 Олимпиадасынын катышуучуларын 9-август күнү кечинде Ташкентте тосуп алуу салтанаты болду. Жеңүүчүлөргө автоунаа, батир жана акчалай сыйлыктар тапшырылды.

Мурда маалымдалгандай, командалык мелдеште өзбек спортчулары 3 алтын жана 2 коло медаль менен 32-орунду ээлешти.

9 -августта Өзбекстандын олимпиадалык делегациясы Япониядан кайтып келди. Ташкенттин эл аралык аэропортуна Өзбекстандын премьер-министри Абдулла Арипов, Сенаттын спикери Танзила Норбаева баштаган өкмөт мүчөлөрү, массалык маалымат каражаттарынын өкүлдөрү, спортчулардын ата-энелери жана күйөрмандар чогулушту.

Делегацияны тосуп алгандан кийин, спортчулар журналисттер менен болгон маегинде турнир тууралуу ойлору менен бөлүштү.

Олимпиаданын коло медалын алган эркин күрөшчү Бекзод Абдурахманов дүйнө чемпионатын чыдамсыздык менен күтүп жатканын айтты.

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от Ozodlik Radiosi (@ozodlikradiosi)

Оор атлетика боюнча алтын медалга ээ болгон Акбар Жураев Париждеги Олимпиада оюндарында да жеңишке жетүү ниети бар экенин айтты: "Колдооңуздарга рахмат. Бул медаль биздин элге таандык. Мен 2024-жылы Парижде өтө турган Олимпиадада чемпион болууга аракет кылам".

Олимпиаданын алтын медалына тато унаасы, ар бири 200 миң доллардан акчалай сыйлыктар жана үч бөлмөлүү батир тапшырылды. Коло медалдын ээлерине 50 миң доллар сыйлыктар жана батирлер, ошондой эле Trailblazer машиналары тапшырылды.

Булак: NazarNews.kg