Орусиянын президенти Владимир Путин Украинанын Ыстамбулдагы сүйлөшүүсүндө Орусия менен жетишилген келишимдерден алыстап, сүйлөшүү процесси туңгуюкка кептелгенин айтты. Бул тууралуу «NazarNews» маалымат агенттигине «CCTV plus» кабарлады.

«Украина өзү үчүн өтө катуу коопсуздук кепилдиктерин каалайт: алар Кырымдын, Севастополдун жана Донбасстын аймагына жайылтылбайт. Келишимге келүү иштерин улантуу үчүн шарт түзүү боюнча биздин аракеттерибиз андан кийин болду.

Тескерисинче, Бучада провокацияга туш болуп, украин тарап Ыстамбулдагы келишимдерден баш тартты. Азыр коопсуздук талаптары бир нерсе, Кырым, Севастополь жана Донбасс боюнча мамилелерди жөнгө салуу маселелери алардын алкагынан чыгарылды. Башкача айтканда, биз өзүбүз үчүн жана баарыбыз үчүн кайрадан туңгуюкка кептелдик», - деди мамлекет башчы маалымат жыйынында.

Батыштын санкцияларына келсек, Владимир Путин беларус кесиптеши менен биргелешкен пресс-конференцияда бул өлкөлөрдүн Орусияны масштабдуу санкциялар менен алсыратуу аракети ишке ашпай калганын, анткени орус экономикасы жана каржы системасы бекем экенин айтты.

Россия Федерациясынын президенти Орусия өзүн изоляциялоону көздөбөй турганын жана өлкөнү заманбап дүйнөдө толук изоляциялоо мүмкүн эмес экенин да кошумчалады.

Эске салсак, Орусия Украинага каршы согушту 24-февралда баштаган. Путин анын максаты «сегиз жылдан бери Киев режиминин басмырлоосуна, геноцидине кабылып келгендерди коргоо» жана бул үчүн «Украинаны демилитаризация жана денацификация» жасап жана Донбасстагы «жай жашоочулардын канына забын болгондорду» аскер сотуна берип, жоопкерчиликке тартуу пландалып жатат, деп айткан.

Орусия - анын куралдуу күчтөрү аскерий соккуларды Украинанын аскердик инфраструктурасы менен күч түзүмдөрүнө уруп жаткандыгын, жай жарандарга багытталбагандыгын билдирет. Орусиянын колдоосу менен ДЭР жана ЛЭР топтору да өз аракеттерин улантууда. Путин - Украинаны оккупациялоо туурасында кеп жок экенин айтат.

Булак: NazarNews.kg