WhatsApp мессенджери iPhone смартфондорунун эски үлгүлөрүндө эми иштебей калат. Бул туурасында РИА Новости жазып чыкты. 

iOS үчүн чыгарылган тиркеменин акыркы бета-версиясында iOS 9 операциялык системасынын жана андан мурдагы эскирээк версияларын колдой турган түзүм жок болуп калган. Анткени менен бул маалымат WhatsApp мессенджеринин расмий ресурсунда тастыкталган эмес.

Учурда iPhonе үчүн каралган операциялык системанын расмий тизмесинде мессенджер колдой турган iOS 9 жана анын жаңыраак версиялары көрсөтүлгөн.

2021-жылдын 1-январынан тарта операциялык системасы жаңыланбай калган iOS 9 же Android 4.0.3. сериялары аталган мессенджерди көтөрө албай калган.

Булак: NazarNews.kg