WhatsApp мессенжери үн билдирүүлөрдү жөнөткөндөр үчүн ыңгайлуу опция киргизип жатат. Бул тууралуу РИА Новости билдирет.

Колдонуучулар үн жаздыруу маалында ишти токтотуп, кайра уланта алат. Бул функция кайталанма жана көп жиберилген билдирүүлөрдү азайтып, ойду бир эле жолу жаздыруу менен жөнөтүүгө мүмкүндүк берет.

Учурда жаздыруу кнопкасын бир жолу басып коё бергенде эле маектешке кетип калат. Эми үн жаздыруу интерфейсине "тыным" (пауза) деген баскыч кошулат.

Азырынча жаңы кызмат iOS мобилдик операциялык системасынын бета-тесттери үчүн жеткиликтүү. Android үчүн иштелип жатат.

Булак: NazarNews.kg