Ысык-Көлдө эки жарым ай мурун дайынсыз жоголгон төрт жаштагы Аиша Мурдинованын ата-энеси кызынын сөөгүн издөөнү улантууда. Бул тууралуу кыздын апасы Кенжегүл Бейтилешева социалдык түйүндөр аркылуу билдирди.

«Ысык-Көлдө суунун деңгээли 6-7 метрге төмөндөдү. Жолдошум экөөбүзгө аны табуу кыйын болууда. Жээкте чөөлөр көп. Жардам керек. Балким, кимдир бирөө дрон таап бере алат. Биз чындап эле кызыбызды мүмкүн болушунча тезирээк тапкыбыз келет ", - деп жазган ал.

Маркумдун үй-бүлөсү издөө иштерине жардам берүүгө даяр болгондорду 0705603704 жана 0703345419 телефон номурлары менен байланышууну өтүнөт.

Эске салсак, кырсык 18-июлда Тору-Айгыр менен Чырпыкты айылдарынын ортосундагы жерде болгон. Алгач кызды издөө иштерине ӨКМдин куткаруучулары жана ыктыярчылар тартылып, бир айдан кийин сөөктү издөө иштери токтотулган.

Булак: NazarNews.kg