www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Кыргызстандыктардын медициналык китепчеси санариптештирилип, саламаттыгы тууралуу маалымат "Түндүк" мамлекеттик порталына жайгаштырылганын саламаттык сактоо министринин орун басары Бакыт Жангазиев билдирди.
Бул үчүн жарандар порталдан жеке кабинет аркылуу "Ден соолуктун санарип профили" бөлүмүнө кириши керек. Ал жерде кайсы бейтапканада катталганы, чылым чеккен-чекпегени, майыптыгынын бар-жогу көрсөтүлөт. Ошондой эле вакцина алганы, ПЦР-анализдери, ооруканада дарыланып чыкканы, лабораториялык анализдери жана камсыздандырылганы тууралуу маалымат жайгаштырылган.
"Биринчи санарип медициналык китепче эми сиздин телефонуңузда. Андагы маалыматтар юридикалык күчкө ээ. Биз жарандарга ыңгайлуу шарт түзүү үчүн саламаттык сактоо системасындагы бардык маалыматтарды бир тиркемеге топтоо үчүн иштеп жатабыз", — деди Жангазиев.
Белгилей кетсек, "Түндүк" электрондук порталын колдонуу үчүн жарандар Калкты тейлөө борборунан электрондук кол тамга алышы шарт.
Булак: NazarNews.kg
< Предыдущий
Следующий >
Последние новости
