Улуу Британияда жети наристени өлтүргөн деп өмүр бою эркинен ажыратылган британиялык медайым Люси Летбиге колдоо көрсөтүү кампаниясы башталды. Бул кампаниянын алкагында кайрылууга каражат чогултуу пландалууда, деп билдирет Telegraph басылмасы.

Желеде каражат чогултуу баракчасы азырынча кайрымдуулук үчүн ачык эмес, деп белгилейт гезит. Бирок, ал жерде жарыяланган билдирүүдө Люси Летбинин соту "Улуу Британия көргөн эң чоң адилетсиздик болушу мүмкүн" деп айтылат. Соттолгон медайымга “адилеттүү соттук териштирүү, анын жүрүшүндө ишенимдүү далилдерди табуу” үчүн акча чогултуу пландалууда.

Летбинин жактоочулары апелляциялык арыз менен кайрылаары азырынча белгисиз.

Эске салсак, 21-августта сот Чешира төрөт үйүнүн медайымы Люси Летбиди шарттуу түрдө мөөнөтүнөн мурда бошотууга укугу жок өмүр бою эркинен ажыраткан. Сот арачылар аны жети наристени өлтүрүүгө жана дагы алты баланы өлтүрүүгө аракет кылууга күнөөлүү деп тапты.

Белгилей кетсек, Люси Летби 2015-жылдан 2016-жылдын июнь айына чейин Честер ооруканасынын графинясында иштеп жүргөндө ийнени (шприц) абага толтуруп, жаңы төрөлгөн ымыркайларды сайып өлтүрүп жүргөн. 

Ошондой эле атайылап ийнени абага толтуруп сайып, ашыкча тамактандыруу жана инсулин менен ууландыруу сыяктуу ыкмаларды колдонуп, оорукананын неонаталдык бөлүмүндө дагы алты ымыркайды өлтүрүүгө аракет кылган.

Жалпысынан Летби 13 жаңы төрөлгөн ымыркайдын өмүрүнө кол салган. Алардын аты-жөнүн айтууга сот тыюу салат, бирок беш бала жана эки кыз каза болгону айтылууда.

CNN билдиргендей, Летби полиция тарабынан 2018 жана 2019-жылдары тергөө иштерине байланыштуу эки жолу, ал эми 2020-жылдын ноябрь айында кайра камакка алынган.

Бийлик анын үйүн тинтүү учурунда Летбинин күндөлүгүн таап алышкан.

"Мен жашаганга татыктуу эмесмин. Аларды атайылап өлтүрдүм, анткени мен аларга кам көрүүгө татыксызмын. Мен өтө коркунучтуу адаммын", - деп жазган күндөлүгүнө.

Булак: NazarNews.kg