Милиция кызматкерлери мектеп окуучуларына «Жолдо жүрүм-турум эрежелери жана чагылдыруучу элементтер» деген темада сабак өтүшүүдө. Бул тууралуу КР ИИМдин ГОБДБдан билдиришти.

Балдарга үйдөн мектепке чыккандан баштап жөө жүргүнчүлөр өтүүчү жол белгилерин ээрчип, жолдон өтүп бара жатып, тегерегине жана светофорго көз чаптырып, жакындап келе жаткан унааларга көңүл буруп, эч кандай учурда жолдун бөлүгүн кесип өтүүсү зарыл экендиги эскертилди.

Эске салсак, окуу жылынын башынан бери жол кайгуул кызматкерлери республиканын бардык жалпы билим берүү мекемелерине бекитилип, мектептердин айланасында коомдук тартипти жана жол кыймылынын коопсуздугун көзөмөлдөшүүдө.

Ошондой эле окуучуларга жол эрежесин сактоону үйрөткөн видеороликтер көрсөтүлөт.

Булак: NazarNews.kg