Залкар акын, коомдук ишмер, Токтогул атындагы мамлекеттик адабий сыйлыктын лауреаты Жолон Мамытовдун обондуу ырлары жана поэтикалык саптарынан турган "Издейм сени..." аттуу концерти болот. Концерт эртең 17-июнда, саат 18.00до Т.Абдымомунов атындагы Улуттук академиялык драма театрында өтөт. Айтылуу акындын обондуу ырлары жаңырып, мыкты ырлары көркөм окулат.

Концертке элибизге аттын кашкасындай таанымал, арген үндүү ырчылар катышат: Дарика Жалгасынова,Саламат Садыкова, Каныкей Эралиева, Султан Каримов, Расул Маматкулов, Дилшат Кангелдиева,Токтобек Асаналиев, Сонунбүбү Кадырова, Аскат Мусабековдор өз өнөрлөрүн тартуулашат.
Булак: NazarNews.kg