Ошентип, шаардык кеңештин депу­таттары эгемендүү Кыргыз мамлекети­нин борбору Бишкек шаарынын жаңы мэрин “шайлашты”. Бир миллиондой калкы бар Бишкектин ичинен борбору­бузду “бооруна кысчу” бир эле талапкер татыктуу экен. Андан башка уул-кызда­рыбыз татыктуу эмес окшойт. Жаңы ша­ар башчысы кандай шайланганын көрүп туруп көкүрөктөрү таза, көөдөндөрү ту­нук канчалаган атуулдарыбыз кейип ту­рат. (азыр бизде эмне болсо да “өз ко­рообуздан гана кочкор кошолу” деген эреже эмитен эле такыр орун алып кал­гандан сообу?) Кайран гана борборуб­уз! Кезинде нечендеген кыргыздын улуу инсандары агарып көгөргөн, бул жер­ден. Атак, даңк алган. Далай түркүн улут баткан кыргыздын касиет арткан жерге­си. Мамлекетибиздин жүрөгү.

Макул. Болоору болду. Анда, жаңы шайланган мэр А. Суракматовго тур­муштун чындыгынан алынган жакшы бир “жомок” айтып бергибиз келди. Илгери-илгери бир өткөн заманда эмес, жакында, эл аралык “Мерсер” изилдөө кызматы өз аныктамасында дүйнөдөгү таза шаар катары Канададагы Калгари шаарын атап, “ал шаарды дүйнөлүк ли­дерлердин чөйрөсүндө чоң кадыр баркы бар инсан жетектөөдө” деп чыгышты. Эми аларга айла жок дейли. Бул өтө эле өнүккөн өлкөлөрдүн “жомогу” экен деп коелучу. (Ошентип өзүбүздүөзүбүз ал­дап деле коелу.)

Кой, жатсак-турсак дагы “өнөктөшпүз” деген Россияны эле мисал­га алалы. Жыл башында “Рейтинг” фе­дералдык маалымат борбору “жылдын Россиядагы эң мыкты мэри” деп Казань шаарынын шаар башчысы Ильсур Мет­шинди аташты. Анысы эмне кылыптыр дебейсиңерби? Беш жыл аралыгында шаарга эл аларык деңгээлдеги спорт комплекстерин курууга чоң эмгек жум­шайт. Натыйжада эл аралык мелдештер тынымсыз өтүп, андагы агылган турист­терден шаар казынасына миллиарддаган рублдер агылып кирет, азыр да түшүп жатат. Ал Метшин кыска аралыкта 20 бала бакча, өзүнчө типографиясы, ки­ностудиясы, бассейиндери, хореграфи­ялык залдары бар бир нече мектептерди курууга үлгүрдү. Биздикилердей “ипоте­ка” деп сүйүнчүлөп алышып, ага каражат таппай пенсионерлердин камсызданды­рылган акчаларына кол салгандай эмес, көпчүлүгү намыскөй демөөрчүлөрдүн жардамы менен “Салават Купер” деген комплексти куруп, 50 миң адам жашай турган турак- жай арыш куруп, ал үйлөр да соңуна чыгып калды. Шаарды жашыл­дандыруу мамилесинде да “Жашыл ре­корд” деген долбоорду ойлоп таап, да­лайлаган парк жана скверди койкойтуп коюптур. Казанда бир кездердеги тар көчөлөр азыр жок, кеңейтилип жаркы­раган. Ошол “эң мыкты” делген мэр өз сөзүндө минтип атат: “Биз шаарыбызды дүйнөдөгү таза, кооз жайлардын катары­на киргизебиз. Медицина, билим, спорт тармагын өнүктүрөбүз. Балдарыбыз Ку­дайым ыроологон таланттарын андан ары өркүндөтүүүчүн баардык шарттар­ды түзөбүз. “Эртең кайда жашайбыз?”- деген суроо шаар тургундарында жарал­башы керек. Биз бул максаттарга жете­биз!” деп жатат. Бул көрүнүш балким Суракматов Азиз Эмильбекович үчүн балким жомок сыяктуудур. Ошентсе да үмүт деген ушундай улуу нерсе экен..

Кенжебек АРЫКБАЕВ

Булак: "Айгай"