Статистика боюнча улуттук комитет биринчи жарым жылдыкта Кыргызстандын кайсы аймагында азык-түлүк канчага кымбаттаганы тууралуу маалымат таратты.

Былтыркы жылдын декабрь айына салыштырмалуу Нарын облусунда кымбатчылык күч алган. Тагыраагы, тамак-аш менен алкоголсуз суусундуктар 15,5 пайызга баасын жогорулаган.

Экинчи орунда Бишкек менен Ысык-Көл (15 пайызга жакын) турат.

Тамака-аштын кымбаттоосу боюнча (10,5 пайыздын тегереги) Чүй, Жалал-Абад, Талас, Баткен облустары андан кийинки саптарга жайгашты.

Кымбатчылык башкаларга салыштырмалуу эң төмөн аймак — Ош облусу (10 пайыздан төмөн) болду.

Жылпы республика боюнча айтсак, жарым жыл ичинде азык-түлүктүн наркы 12,5 пайызга өскөн. 2021-жылдын биринчи жарым жылдыгында бул көрсөткүч 11 пайыз болчу.

Булак: NazarNews.kg