Жакшы күндөрдө жаныңдан чыкпай, жардамың тийген учур­да бутуңа тушалган кишилердин жакшы-жаманы оор күндөрдө билинерин карт турмуш катаал шарттарда тастыктап келе жатканын нечен ирет көрүп келдик. Анын бири азыркы маалда кайталанып жаткан кези. Дегенибиз, Текебаевдин кадыры менен калктын калың катмарына таанылып, мамлекеттеги майлуу кызматтарга жеткен эрендер короодогу итче «арс» этип үргөнгө, үн чыгарып колдогонго жарабай, тымпыйып гана отурат. Анын бири Жогорку Кеңештеги «Ата Мекен» фракциясынын депутаты Абдимуктар Маматов десек жаңылышпайбыз. «Шефи» камакка алынгандан бери үн катпады. Калыстык үчүн өз пикирин бил­дирип койсо, эн сонун болмок. Себеби бул аксакал «Ата Мекендин» аркасы менен депутат болуп отурат го акыры.

Булак: Де-факто