Жеңиш Молдокматовдун ачкачылык жарыялаганына 6 күндөн ашты, абалы начарлап кетти. Бул тууралуу саясатчы Жеңиш Молдокматовдун жактоочусу Кантемир Турдалиев билдирди. 

--"26-июлда тергөөчү ага 2020-жылдын 9-октябрь күнү Бишкектин борбордук “Ала-Тоо” аянтындагы болгон окуялар боюнча КР ЖКнин 264 беренесинин 1-бөлүгү боюнча шектенүү жөнүндө кабарлама тапшырган. Ошондо Жеңиш Молдакматов 2020-жылдын 9-октябрдагы окуялары боюнча ага шектенүү жөнүндө кабарламанын берилишин мыйзамсыз,чектен аша чапкандык деп баалап, тергөөнүн мыйзамсыз иш-аракеттерине нааразылык иретинде ачкачылык жарылаганын билдирген.

Ага карата акыйкатсыз болуп жатканына нааразы болгон саясатчы Жеңиш Молдакматов ачкачылык жарыялаган. Мына бүгүн алты күн болду. Учурда абалы начарлап кетти.

Молдакматовдун негизги талабы – абактан бошонуу эмес, бул ага карата жүргүзүлүп жаткан сотко чейинки териштирүүнүн адилеттүү, мыйзам чегинде болушун талап кылууда", - дейт жактоочу. 

Булак: NazarNews.kg