Афганистанда  сууктан  каза болгон кишилердин  саны 24кө жетти.  Бул тууралуу афган маалымат булактары жазып чыкты.  

Маалыматка караганда,  Герат, Кандагар жана Гилменд провинцияларында жааган улуу кардан жана аба ырайынын кескин төмөндөгөнүнөн улам өлгөн адамдардын саны 24кө жеткен. 11-январь күнү өлкөнүн айрым аймактарында абанын температурасы -12 градуска чейин төмөндөп, катуу кар жааган.  Жааган кардын кесепетинен 24 кишки каза болуп,  көптөгөн жолдор анын ичинде, Саланг тоннели жана Кабул менен Кандагарды байланыштырган жол да жабылган. 
Ал эми Ооган метеорологиялык кызматынын  билдиришине караганда, суук дагы катуулашы күтүлөт. Муну менен катар, дагы кишилердин тоңуп өлүүсү көбөйүшү ыктымал экендигин айтышууда.

Булак: NazarNews.kg